|
Mən dizəcliyəm آزربايجان اوغلو(آتام توركدي ، اؤزيم توركم ، آنام تورك)
| ||
|
گؤرديم قۇشا قاشلار اۇجا ساچلار بره گؤزلر، لاپدا قارايدي! قانلي ياناقي آچميشيدي غوْنچالي بير گۆل گۆل يوْخ كي آيين ناز پاراسيدي!. **** ايللر بوْيو من اللريمي ساچلارا ساچديم بير غوْنچا دوْداقدان دوْيوتماز چاخير آلديم. قارتال قاناديندا اۇجا داغلاردا اۇجالديم چێرپين يئل اوْلوب آلچاغ اۇجالاردا اۇچارديم ايل دوْندي زامان كئچدي، بير بير هامي گئدي قالديم بيرجه من بيرده آغارميش قارا تئل لر. **** گۆن باتدي، گئج اوْلدو گئجه لرده آي ايم ايتدي باختيم قاراليب گؤزلريمين رنگيده سوْلدو! ساچلار قاراسي دندن اوْلوب لاپدا آغاردي يار گئدي گؤزيمدن داي اليم ساچلارا چاتماز قارتال قانادي يوْخ بۇ سوْيوخ آرزيدي ايندي يوْخدور دوْداغيمدا اوْ چاخيرلار دادي ايندي. [ شنبه 19 آذر 1390 ] [ 08:18 ] [ dalğa ]
آغ آت گلير بوزا - بوزا چيينينده وار قيزيل قوزا آغ آت بوينون سينايدي قارداشيم باتيب توزا. * انديم باغا ، گيلاسا تؤكولدو كاسا - كاسا آللاه قيزي ياراديب توغلان باغرينا باسا. [ دوشنبه 14 آذر 1390 ] [ 09:51 ] [ dalğa ]
قديم زامان لاردا بير شكي لي آرواد گۆزگۆ باره سينده بير شئي لر ائشيتسه ده آنجاق گۆزگۆنون اؤزونو كؤرمه ميشدي. گون گلير ، اري بير گۆزگۆ آلير. كيشي هر گون گۆزگۆيه باخيب سونرا دا اونو گيزله درميش. گونلرين بير گونو آرواد گۆزگۆنون يئريني اؤيره نير و اونو اله كئچيرير. گۆزگۆيه باخان كيمي دوداغين بوزه – بوزه دئيير : باشيما خئيير ! ... من ائله بيليرديم كي ، كيشي اؤزونه باخير ، سن دئمه گۆزگۆ ده كي آرواد ايميش ! [ دوشنبه 14 آذر 1390 ] [ 09:47 ] [ dalğa ]
اۇ داغلار هاميسي تامدي لزتي منه يوْلداشديلار جكديگيم داغلار ايكي قوْللار ساليب بوْينومدا دێلار درد دريم داغلاريم ايكي گؤزلريم. آديمي بۇ داغلار سالدي ديللره ائليمين ديلينده نيسگيللر اوْلدوم دۇستاقدان دۇستاقا سۇروندورولدوم. منيله بوْغولان هاراي اۇجالدي قوْجالديم من اؤزيم آمما قۇجالماز بۇغازيمدا قالان آهاي هارايلار بوْغولميش سسلري هايغيران گۆنده يئرين شاهلاري‌نين سئرري آچيلدي دۇستاقين يوْللارين ائليم تاپديلار سالديلار سسيمي گؤولره داغلار يازديلار آديمي ديللره ائللر. ايكي قوْللار ساليب بوْينومدا دێلار درد دريم داغلاريم ايكي گؤزلريم. [ سه شنبه 8 آذر 1390 ] [ 09:00 ] [ dalğa ]
|
درباره وبلاگ Mən fəxər elirəm ki Azərbaycanı yam | |
| [ طراحی : ایران اسکین ] [ Weblog Themes By : iran skin ] href="http://www.iranskin.com/games">بازی آنلاین | ||